Јусеин Болт достави медицински доказ за да ги замолчи критичарите, кои сметаа дека тој немал вистинска повреда при саботната 4х100 метри штафета на Светското првенство во Лондон. На својата последна трка, 30-годишниот Јамајчанец го повреди бутниот мускул и не ја заврши трката. Меѓутоа, потоа следните три вечери ги помина на забави во Лондон, по што некои сметаа дека ја симулирал повредата за да не биде поразен. Болт одговори на ова со медицински скен кој покажува скинат бутен мускул.
„За жал, имам скинат мускул во левиот бут и ми требаат 3 месеци за закрепнување. Обично не ги изнесувам медицинските детали во јавноста, но беше тажно што некои се сомневаа во мене. Јас никогаш не сум ги лажел моите фанови и желбата беше да се истрча уште една трка за нив“, вели Болт, кој поради повредата, ќе пропушти да игра за Манчестер јунајтед на добротворниот меч со Барселона.