Тренерот на Макпетрол Бошко Заборски е задоволен од прикажаното на каратистите на Макпетрол кои освоија 11 медали на Државното првенство за кадети, јуниори и постари јуниори.
- За нас како клуб беше најважно докажаните репрезентативци во највозрасната категорија, Петар Заборски, Моника Пендаровска и Анѓела Мојсовска, да го потврдат својот квалитет и да станат државни шампиони, Не радува тоа што ние во нашите процени, успеавме комплетно да го оствариме замисленото, единствено во категоријата -55 кг кај јуниорите нашиот спортист Абдурахим Идризи, не успеа да биде прв. Ја продолживме традицијата на веќе дводецениско доминирање во дисциплината борби екипно за жени. Сега ни преоостанува во следниот временски период да ја темпираме успешно формата и да имаме забележителен настап и на Балканското првенство, изјави Заборски.
На првенството одржано вчера во Скопје настапија 212 каратисти од цела Македонија, во дисципините кумите (борба) и кати во поединечна и екипна конкуренција.