Шаховската федерација на Македонија е решена да го врати достоинството на шахот во Македонија, а првиот чекор ќе биде одблокирање на сметката.
За таа цел денеска во Скопје беше конституиран новиот Управен одбор кој се обврза да помогне во нормално функционирање на ШФМ.
Новиот УО е составен од:
Благоја Богоевски, претседател,
Златко Марин – градоначалник на Аеродром, потпретседател,
Лидија Софревска – ШК Алкалоид, секретар,
Стефан Богоев – градоначалник на Карпош,
Борче Георгиевски – градоначалник на Гази Баба,
Коста Начевски – директор на „ГАМА“,
Сенко Смаиловиќ – Директор на „Улици и патишта“-Скопје,
Невзат Умер – Директор во „Џевахир Холдинг“,
Горан Ѓорѓиевски – Управител и Директор на „Специјал“,
Дејан Николовски-Кабинет на Премиерот,
Жика Ѓориќ – управител на „ГМЦ Скопје“,
Зоран Стојчевски – ШК Гамбит Ассеко СЕЕ и
Роландо Кутиров - шаховски велемајстор.
- Да го вратиме шахот на старата слава. Ветена ни е помош од државните институции. Посебно очекуваме од Агенцијата за млади и спорт да ни даде поддршка, рече првиот човек на ШФМ, Богоевски.
За следната година ШФМ си зададе задача да обезбеди услови за настап на македонските шахисти и клубови на Олимпијадата во Грузија, ЕКК во Грција, како и на државните првенства и Опен турнири во Карпош и Аеродром.
Богоевски очекува да се обезбеди буџет од 50-70 илјади евра за да се остварат активностите предвидени за 2018 година.
ШФМ има амбиција со поддршка од државата, Македонија во 2019 и 2021 година да биде организатор на Европски првенства екипни и индивидуални во машка и женска конкуренција.