Македонската ракометна репрезентација како првопласирана во групата Ц во Загреб го очекува дуелот против европскиот првак Германија од 3.коло. Двете минимални победи покажаа дека селекцијата има карактер и е подготвена да се надигрува до последната минута.
- Имаме две тешки победи зад нас и сега сме во добра позиција. Сега можеме да играме без притисок. Германија има гранитна одбрана, а голманите само ја надополнуваат. Германците немаат класичен среден бек, а мора да ги запреме нивните контри. Ние мора да одиграме подобро во одбраната, на пример не како со Црна Гора. Очекувам секако и помош од нашите навивачи како и на дуелите со Словенија и со Црна Гора. Тоа ни дава мотив плус за време на самиот натпревар, изјави Талески.
Натпреварот во „Арена Загреб“ почнува во 18:15 часот.