Денешниот ден на Отвореното тениско првенство на Австралија почна со изненадување. Елиминиран е третиот фаворит Григор Димитров, откако во првиот меч од четвртфиналната фаза загуби од Британецот Кајл Едмунд со 3-1.
Едмунд го доби првиот сет со 6:4, Бугаринот изедначи по 6:3 во вториот, со иста мера возрати Британецот во третиот, а во четвртиот сет беше 6:4.
Кајл Едмунд кој во моментов е на 49.место на АТП ранг листата, во полуфиналето на АО ќе игра со подобриот од дуелот Рафаел Надал – Марин Чилиќ закажан за 9 часот и 10 минути.