Рекордерот со освоени 20 Гренд слем титули, Роџер Федерер е само на една победа од тоа да стане најстариот тенисер, кој некогаш бил на чело на светската АТП листа.
36-годишниот Швајцарец го победи Германецот Филип Колшрајбер со 7:6 (8), 7:5 по час и 42 минути игра во вториот круг на силниот турнир во Ротердам и се пласираше во 1/4-финалето. Ако се пласира во следната фаза, Федерер ќе го смени Шпанецот Рафаел Надал. од врвот на светската ранг-листа.
Следниот противник на Швајцарецот е Робин Хасе, кој вчера го победи 259-иот во свет учесник Талон Грикспор. Грикспор се пласираше со „вајлд карта" и на почетокот го елиминираше Швајцарецот Стен Вавринка.