Доколку ја следите зимската олимпијада која е во тек, сигурно сте се запрашале колку се исцрпуваат спортистите од одредени дисциплини и колку всушност калории трошат за време на натпреварувањата. Еве ги тие податоци за дел од олимписките дисциплини:
1) Сноубординг – 442 калории на час (кал/ч.)
Сноубордингот може да даде сериозни фитнес резултати. Овој спорт е одличен за мускулите како на долниот така и на горниот дел од телото, а ја подобрува и контролата и стабилноста на телото.
2) Спуст – 408 кал/ч.
Иако спустот согорува помалку калории отколку сноубордингот, се работи за одлична активност за зајакнување на бедрата.
3) Крос-кантри скијање – 544 кал/ч. со умерен интензитет
Крос-кантри скијањето е слично на традиционалните кардио вежби и во него е вклучено целото тело (како кај трчањето или пливањето).
4) Уметничко лизгање – 374 кал/ч. со бавна брзина (под 14км/ч.)
Балансирањето на тенкото сечило на лизгава површина е многу посложен процес отколку што звучи,и не само што побарува добар баланс, туку и ја забрзува способноста за контролирање на телото во просторот.
5) Брзо лизгање - 1021 кал/ч. при тркање со големи брзини, 612 кал/ч. над 14км/ч. но без тркање
Брзото лизгање на долги стази е сериозна вежба, бидејќи атлетичарите се тркаат со исклучително големи брзини на стази од 1 до 5км.
6) Хокеј на мраз - 544 кал/ч.
За овој спорт се потребни не само кардио и мускулна издржливост, туку и сериозна координација на движењата за да се остане на лизгалките.