Србинот Новак Ѓоковиќ, кој е на пат да се врати на врвот на АТП листата, откри дека за негова најголема победа во кариерата го смета триумфот над Рафаел Надал во финалето на „Вимблдон“ во 2011 година.
Тогаш Новак го освои првиот Гренд слем трофеј во Лондон и победата му овозможува првпат да се најде на лидерската позиција на светската ранг-листа.
- Најголемата победа е „Вимблдон 2011“ - го победив Надал, ја освоив титулата и станав број еден, изјави 31-годишниот Ѓоковиќ, додавајќи дека освојувањето на „Дејвис купот“ во 2010 година, исто така бил многу важен момент и многу „специјална“ титула во неговата кариера.