Претендентот за број еден на крајот на годината, Рафаел Надал, пропушта важен турнир со кој би можел да заработи многу поени во борбата против Новак Ѓоковиќ за лидерската позиција на АТП листата. Шпанецот одби да учествува во „Мастерсот“ во Шангај, кој започнува следната недела.
Победникот на Ролан Гарос и „Ју Ес Опен“ оваа година го повреди зглобот за време на „Лејвер Купот“ во средината на септември и оттогаш се лекува. Тој јасно не успел да се опорави и ќе одмора одреден период.
– Жал ми е што нема да можам да играм во Шангај оваа година. Тоа е одличен турнир во еден од нај специјалните градови во светот. Го повредив зглобот за време на „Лејвер Купот“. Не можев да се опоравам и да се подготвам правилно за овој прекрасен турнир. Се надевам дека ќе се вратам во 2020 година, изјави Надал за официјалната веб-страница на турнирот.
Неговото евентуално враќање на теренот се очекува за Мастерсот во Париз кон крајот на октомври, а потоа и на завршниот АТП турнир во Лондон.
Освен Матадорот, еден куп познати имиња пропуштаат натпревари во Шангај. Повредени се Кеј Нишикори, Хуан Мартин дел Потро, Кевин Андерсон, Милош Раониќ и Стен Вавринка, а Ник Кириос е казнет со парична казна.