Атлетскиот клуб ,,KoRRunners” на 4-ти септември го прославува својот прв роденден, па по тој повод во името на спортскиот дух и здравиот живот, организира HeartKor Race 10K-трка на кејот на Вардар.
Трката започнува пред Жабарот во 7:30 часот и е со времетраење од 90 минути. Вашето стартно бројче е Вашиот среќен број, бидејќи секој кој ќе ја заврши трката воедно учествува и во наградна лотарија организирана од клубот.
,,KoRRuners” е „роден“ во време на пандемија и е сочинет од група ентузијасти кои се споија на едно место со цел да го промовираат здравиот начин на живот. Со заедничка мотивација и инспирација, веќе една година градиме успешна спортска приказна која решивме да ја прославиме со оваа трка. HeartKor Race е одлична можност да го промовираме трчањето, да се дружиме и да споделиме искуства. Затоа врзувајте патики, стискајте палци и се гледаме наскоро, велат од клубот.
Сите оние кои сакаат да бидат дел од оваа трка, што ќе се одржи во сабота, на 4.9.2021, можат да го пријават своето учество тука. Повеќе информации за трката, а воедно и за самиот клуб може да пронајдете на нивната FB страна и на линкот од самиот настан.