После завчерашниот половичен успех против Русија, вчера нашите ватерполисти очекувано беа проазерни од пресилната репрезентација на Италија, која според сите проценки ќе биде една од екипите која ќе се бори за медал заедно со Унгарија и со Србија.

Дека по квалитет се далеку пред нас се вид уште на почетокот. После четири минути игра веќе водеа со 2:0, а набрзо потоа и со 4:1. Единствениот гол за нашиот тим во првата четвртина го постигна Миќиќ и тоа на една минута пред крајот на првиот дел.

Втората четвртина ја почнавме за нијанса подобро. Постигнавме два гола во серија, најнапред Вуксановиќ за 4:2, а потоа и Милиќ за 4:3 и тоа во моментите кога имавме играч повеќе. Потоа следуваше серија на голови од нашиот противник. Калкатера зголеми на 5:3, па Горгети на 6:3. Со тој резултат се отиде на полувремето.

Третата четвртина продолжи во истиот стил како што заврши втората. Во четвртата минута Калкатера стрелаше за 7:3. Со играч повеќе Милиќ намали на 7:4. Тој резултат беше актуелен се до 1:28 мин пред крајот на 3/4 кога Бенкивенга зголеми на 8:4.

Во последната четвртина ништо ново. Во контранапад Сотани зголемува на 9:4. Во следниот напад Петровиќ намали на 9:5. Сотани повторно зголеми на 10:5, а на 1 мин пред крајот во листата на стрелци се запиша и Бинчи за 11:5 и тоа во моментите кога имавме играч помалку, кога надвор од игра беше Башиќ.

Послениот удар кон голот на Италија го упати нашиот најмлад репрезентативец Игор Милановиќ на 7 секунди пред крајот но утна.

Нашата стара болка останува да биде нереализирана во моментите кога имаме играч повеќе, наспроти Италијаните кои од 7 шанси искористија дури 5.

Сепак, мечот со Италија брзо ќе се заборави. Веќе вчера попладне целиот стручен штаб беше насочен кон денешниот натпревар против Германија. Тоа впрочем е клучниот натпревар кој води во 1/4 финалето. Единствениот услов е победа за пласман на 3. место во нашата група. Ќе биде тешко но шанси постојат. Топката е тркалезна. Се е возможно. Во спротивно ќе играме за пласман од 7 - 12 место.

Д. Ѓенчевски

***
ЉУБО МЕЧЌИЌ - СЕЛЕКТОР (МКД)

Шансите ни беа минимални

“Не можевме многу нешто да сториме против Италија затоа што за нас е пресилна екипа. Далеку повеќе очекувам, поинтересно, да биде со Германија. За нас тоа ќе биде нешто како мало финале.”

САШО ПОПОВСКИ - КАПИТЕН (МКД)

Италија пресилна

“Италија беше пресилен противник. Нашата слабост беше во тоа што незнаевме да искористиме играч повеќе. Вистинското возбудување не очекува со Германија. Доколку избориме место меѓу 6 екипи кои ќе разигруваат за 1/2 финалето би било одлично, но ќе биде тешко.”

ПАОЛО МАЛАРА - СЕЛЕКТОР (ИТА)

Се фокусираме за Србија

“ Нашата одбрана продолжува да биде одлична. Ова беше добар натпревар за подигање на атмосверата за мечот со Србија.”

МАУРИЦИО ФЕЛУГО - ИГРАЧ

Лесен натпревар

“ Лесен натпревар. Нема што многу да се каже. Веќе се фокусираме за одлучувачката средба со Србија.”


СТАТИСТИКА

МАКЕДОНИЈА Г/Ш % ИГР. ПОВ. ПЕНАЛ ИСК. ОДБ. ИСК. НАП. УКР. ТОП. ЗАГ. ТОП.

1. Д. Перчиниќ - - - - - - - -

2. И. Милановиќ 0/1 0 - - - - - -

3. И. Вуксановиќ 0/2 0 - - - - 2 1

4. М. Крстовиќ 0/1 0 - - - 1 - -

5. Н. Милиќ 2/7 28 2/3 - - 1 1 2

6. С. Поповски 0/1 0 - - - - - 1

7. М. Миќиќ 1/2 50 1/1 - 1 - 1 1

8. Е. Бркиќ - - - - - - - 1

9. Д. Крстиќ 0/2 0 0/1 - - - - 2

10. М. Башиќ 1/4 25 - - 2 - - 3

11. Н. Петровиќ 1/1 100 - - 2 - 2 -

12. Д. Бениќ 0/2 0 - - 1 - 1 4

13. М. Урошевиќ - - - - - - - -

ВКУПНО: 5/23 21 3/5 - 6 2 7 15


ИТАЛИЈА Г/Ш % ИГ. ПОВ. ПЕНАЛ ИСК. ОДБ. ИСК. НАП УКР. ТОП. ЗАГ. ТОП.

1. С. Темпести - - - - - - 1 -

2. В. Гало 1/3 33 1/2 - - 1 1 -

3. Л. Бинчи 1/2 50 1/1 - 2 - 1 2

4. Н. Гито - - - - 2 - 2 -

5. А. Џорџети 2/3 66 - - 2 1 - 1

6. М. Фелуго 0/3 0 - - 1 - 3 -

7. А. Манганте - - - - - 1 3 -

8. К. Прескути - - - - - - - -

9. Ф. Бенчивенга 1/2 50 1/2 - 1 - - 3

10. А. Калкатера 4/8 50 1/1 - - - 1 4

11. Л. Сотани 2/5 40 0/1 - - - - -

12. Ф. Мистранѓело - - - - - - 3 1

13. Ф. Виолети - - - - - - - -

ВКУПНО: 11/26 42 4/7 - 8 3 15 12


РЕЗУЛТАТИ - 4. КОЛО

РОМАНИЈА - ГЕРМАНИЈА 4:8

ХРВАТСКА - СЛОВАЧКА 15:5

МАКЕДОНИЈА - ИТАЛИЈА 5:11

СРБИЈА - РУСИЈА 11:6

УНГАРИЈА - ЦРНА ГОРА 9:10

ШПАНИЈА - ГРЦИЈА 9:7


ДВОЈКИ ЗА ДЕНЕС

9:30 ч СЛОВАЧКА - ЦРНА ГОРА

11:00 ч ГЕРМАНИЈА - МАКЕДОНИЈА

12:30 ч РУСИЈА - РОМАНИЈА

18:00 ч ГРЦИЈА - ХРВАТСКА

19:30 ч ИТАЛИЈА - СРБИЈА

21:00 ч УНГАРИЈА - ШПАНИЈА



ТАБЕЛА ПОСЛЕ 4. КОЛО

ГРУПА -”А”

1. Хрватска 4 3 0 1 42:28 9

2. Црна Гора 4 3 0 1 35:33 9

3. Унгарија 4 3 0 1 46:25 9

4. Шпанија 4 2 0 2 35:30 6

5. Грција 4 1 0 3 32:31 3

6. Словачка 4 0 0 4 15:58 0

ГРУПА -”Б”

1. Италија 4 4 0 0 47:24 12

2. Србија 4 3 1 0 57:23 10

3. Германија 4 2 0 2 32:37 6

4. Македонија 4 1 1 2 30:49 4

5. Романија 4 0 1 3 23:36 1

6. Русија 4 0 1 3 25:45 1


ТРЕТ МЕМОРИЈАЛЕН ТУРНИР “СЛОБОДАН СИЛЈАНОВСКИ - МУСО”

Пехарот на семејството Силјановски

По пауза од две години викендов на отворениот базен “Бисер” во Скопје во организација на четири клуба - Орки, Локомотива, Младост и Бисер се одржа третиот по ред меморијален турнир “Слободан Силјановски - Мусо”, поранешен ватерполиста и судија.

Учествуваа најмладите, пионерите и ветераните.

Кај пионерите екипата на Орки ја совлада Локомотива со 14:10, додека ветераните (бели - сини) играа нерешено - 10:10.

Победничкиот пехар, во договор на учесниците, му беше предаден на семејството на Силјановски.