Бугаринот Петар Стојчев по седми пат триумфираше на 22-риот меѓународен Охридски пливачки маратон, со што го превзеде лидерското место на листата во Светскиот куп.

Во возбудлива трка и неизвесна завршница Стојчев ја преплива патеката "Климе Савин" долга 30 километри со време од 6 часа, 14 минути и 51 секунда, само две секунди пред Австралијанецот Капел. Третото место со задоцнување од само 13 стотинки зад Капел (во фотофиниш) му припадна на Французинот Стефан Гомез.

Од нашите пливачи најдобар пласман оствари повратникот на маратонот Томи Стефановски. По пауза од седум години, нашиот најдобар маратонец, Стефановски денешната трка ја заврши на високото 4-то место.

Во женска конкуренција победник е Штефи Билер од Германија.

Билер трката ја заврши со време од 6 часа, 15 минути и 58 секунди, оставајќи ја на втората позиција минатогодишната победничка Естер Њуњез Мореро од Шпанија.