|
 |
Спорт / Останати спортови
Ѓоковиќ ја брани канадската титула
 Во текот на вчерашниот ден започна шестиот турнир од АТП Мастерс серијата, кој се игра во Торонто, а каде титулата од ланското ОП на Канада ја брани третиот светски рекет, Србинот Новак Ѓоковиќ.
Актуелниот освојувач на Австралија Опен, лани славеше на Мастерсот во Монтреал, град кој секоја година се менува со Торонто во ролјата на домаќин на канадскиот турнир од овој тип, кој се игра за награден фонд од 2,615.000 американски зелени банкноти.
Ѓоковиќ е трет носител на турнирот, на кој ќе настапат и финалистите од Вимблдон и најдобри светски тенисери, Рожер Федерер и Рафаел Надал, кои лани беа поразени во Монтреал од српскиот ас. Само за потсетување, Ноле во три дена ги нареди "скалповите" од најдобрите тројца во тој момент, вклучувајќи го четвртфиналниот триумф над Енди Родик, кој пак се опорави од повредата на грбот и најави дека очекува одлична форма на турнирите низ Северна Америка.
Мастерсот во Торонто е генерална проба за елитата пред Олимписките Игри, кои започнуваат на 8 август, а покрај медалите, во Пекинг ќе има и посебно рангирање за АТП листата.
Во првото коло, Федекс, Рафа и Ѓоковиќ се слободни, а Србинот веќе во второто коло ќе има тежок меч, со оглед на тоа што ќе се сретне со подобриот од дуелот меѓу Хрватот Марио Анчиќ и високиот канадски сервер Френк Данчевиќ. Во евентуалното полуфинале, Србинот би се сретнал со Надал, кој пак во втората рунда ќе се сретне со поуспешниот од мечот меѓу Кипранинот Маркос Багдатис и малку познатиот Петер Полански. Од своја страна, првиот носител, Швајцарецот Федерер во втората рунда веројатно ќе игра со завчерашниот победник од Индијанаполис. Станува збор за Французинот Жил Симон, кој го совлада Русинот Дмитри Турсунов во последниот меч во Индијанаполис, а во неговиот премиерен двобој во Канада, за противник ќе има еден од квалификантите.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|