|
 |
Спорт / Останати спортови
Македонските параглајдеристи се изборија за името
 На отворањето на Европското првенство во параглајдерство, кое од неделата па до 10 август ќе се одржува во Ниш, Србија, нашата делегација се соочи со инцидент. Грчката репрезентација инсистирала македонскиот национален тим да биде именуван под кратенката ФИРОМ, на што е остро реагирано од нашите параглајдеристи, па така организаторот во сите документи не запиша под уставното име Македонија. Во знак на протест поради оваа одлука грчките репрезентативци не излегоа на бината при официјалното претставување.
"Угледот и рејтингот кои ги имаме придонесоа оваа битка со името да заврши во наша полза. Бевме именувани како Македонија, па во знак на протест Грците не се појавија на бината при официјалното претставување. Ова се должи и на фактот што Мартин Јованоски е прв на ФАИ листата, а Македонија е трета во екипна конкуренција. Домаќинот ги прифати нашите аргументи, а Грците се револтирани така што најавија и напуштање на шампионатот", не информираше селекторот на македонската параглајдерска репрезентација, Миле Јованоски.
Натпреварувањата се во дисциплината прецизно слетување, а ќе се одвиваат до крајот на неделата. Наш најголем адут е најмладиот Мартин Јованоски, кој има бронзен медал од минатото првенство, но исто така е светски рекордер со 11 негативни поени во четири серии.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|