Најдобрите македонски кошаркари со победа ставија крај на денешната богата спортска сабота на репрезентативен и клубски план за нашите претставници.

Најдобрата машка македонска репрезентација во салата "Борис Трајковски" во Скопје со 85:48 ја победи Португалија, во рамките на 2-то коло во “Б“ групата од квалификациите за ЕП 2009 во Полска.

Најпрецизен на натпреварот со 23 постигнати поени беше Врбица Стефанов.

Оваа победа е од големо значење за “црвено-жолтите“ по несреќниот пораз пред три дена, на гости против Летонија.

Инаку, натпреварот започна со задоцнување од 40-тина минути, а причина беше нефункционирањето на малиот семафор за мерење на времето за напад.

Квалификацискиот кошаркарски циклус продолжува веќе во среда (10-ти септември), а израниците на Јовица Арсиќ и гостуваат на Естонија.