Македонската кошаркарска репрезентација по историскиот успех постигнат на Европското првенство во Полска со пласманот помеѓу десетте најдобри репрезентации, вечерва се враќа во Македонија.
Пристигнувањето на кошаркарите на скопскиот аеродромот „Александар Велики“ се очекува 40 минути по полноќ, а Македонската кошаркарска федерација ќе им приреди свечен дочек.
Македонија во своето второ учество на Европските првенства ја забележа првата победа и тоа против репрезентацијата на Израел во првиот круг, а забележа уште една победа во вториот круг против Германија. Беше на чекор до четврт-финалето но не успеа да ја победи Русија во последниот свој натпревар на Евробаскетот во Полска.