Билетите за повеќето натпреварувања на Олимпијадата во Ванкувер се распродадени, но се уште е можно да се обезбеди место на големо натпреварување, но по висока цена. Организаторите на Игрите во Ванкувер планираат да обезбедат дел од билетите оваа недела, но интернет пазарот на билети дава нова шанса за место во последен момент.
Организаторите предупредуваат против купувањето билети преку неофицијални канали. Билетите за машкото финале во хокеј на мраз достигнуваат до 4.500 канадски долари, далеку над официјалната цена од 775 долари за најдоброто место во Канада Хокеј Плејс. Но, понудите на сајтот на организациониот комитет ВАНОЦ не се ништо подобро. Пред крајот на аукцијата за четири најдобри места во хокеарското машко финале сумата стигна до 11.000е. Организаторите се задоволни.
"Имаме фантастичен одговор од целиот свет и голема побарувачка од Канада и интернационално. Сигурен сум дека ќе имаме полни трибини. Работиме внимателно со нашите партнери за да осигураме секое место да биде пополнето", вели Кејли Дентон, потпретседателот на ВАНОЦ за билети.
Организаторите исто така доставија дополнителни билети за Свеченото отворање по генералната проба. Се очекува дополнителни билети да бидат достапни кога ќе се намалат местата за камерите.
Покрај можноста за купување билети преку "фан-до-фан" форумот на нивниот веб-сајт, организаторите исто така ги охрабруваат фановите да ги донираат сите билети кои не планираат да ги искористат, кои подоцна ќе бидат доставени на семејства и деца кои не можат да си дозволат олимписки билет.
ВАНОЦ веќе од стартот стави на страна 100.000 од 1.6 милиони билети по цена од 25 канадски долари, но половината од сите билет чинат 100 долари. До крајот на Игрите се очекува од билетите да биде инкасирано 215 милиони е.