Скопје, 9 септември 2010 (МИА) - Ватерполо репрезентацијата на Македонија денеска го игра последниот натпревар на Европското првенство во Загреб, противник во натпреварот за 11.место ќе и биде селекцијата на Русија. Македонија единствената победа на шампионатот ја оствари во првото коло токму против селекцијата на Русија. Почетокот на натпреварот е во 10 часот.
Во првото полуфиналето (почеток 17:45 часот) домаќинот Хрватска игра против светскиот шампион Србија, додека во второто полуфинале (20:40 часот) ќе играат Италија и Унгарија. Во натпреварите за пласман од 7 – 10.место играат Шпанија – Грција и Турција – Романија.
Инаку, синоќа се одиграа полуфиналните мечеви кај жените: Грција – Италија 10:5 и Русија – Холандија 10:7. Според тоа в петок во финалето ќе играат Русија и Грција, а во борбата за бронзениот медал ќе се состанат Холандија и Италија. Унгарија го освои 5.место откако ја совлада Шпанија со 10:7.