Екипата на Атланта го претрпе првиот пораз оваа сезона во најсилната светска кошаркарска лига откако доцна синоќа на свој терен беше поразена од Феникс со 118:114.
За разлика од кошаркарите на Атланта, тимот на ЛА Лејкерс ја забележа и седмата последователна победа со што по петти пат во нивната историја го повторуваат овој успех. „Езерџиите“ во Лос Анџелес беа подобри од Портланд со убедливи 121:96.
На другите четири синоќешни НБА натпревари: Њујорк - Филаделфија 96:106, Детроит - Голден Стејт 102:97, Хјустон - Минесота 120:94 и Оклахома - Бостон 83:92.
Вечерва се играат шест натпревари во кои се среќаваат: Шарлот - Сан Антонио, Орландо - Атланта, Торонто - Голден Стејт, Мемфис - Феникс, Чикаго - Денвер и Далас - Бостон.
Во Источната конференција водат Атланта и Бостон со скор од 6-1 (победи-порази), Мајами има 5-2, Орландо 4-1,...
На западот ЛА Лејкерс е со максимален учинок 7-0 (победи -порази), со една победа помалку следува Њу Орлеанс 6-0, Сан Антонио е со скор 4-1, Денвер и Голден Стејт имаат 4-2,...