Кошаркарите на Лос Анџелес Лејкерс го претрпеа првиот пораз оваа сезона во НБА лигата, откако рано утрово на гостувањето во „Пепси центарот“ загубија од Денвер со 118:112.
Иако „езерџиите“ ги добија првите три четвртини и во последната влегоа со осум поени предност, сепак на крајот изгубија бидејќи домашните кошаркари во последниот период остварија позитива од 14 поени (33:19).
Коби Брајант во поразениот тим реализира 34 коша, а кај домаќините најефикасен беше Кармело Ентони со 32 постигнати поени.
На другите два натпревари постигнати се овие резултати: Мајами - Бостон 107:112 и Чикаго - Голден Стејт 120:90.
Во деветте вечерашни натпревари играат: Атланта - Јута, Индијана - Хјустон, Орландо - Торонто, Вашингтон - Шарлот, Минесота - Њујорк, Далас - Филаделфија, Феникс - Сакраменто, Оклахома - Портланд и Лос Анџелес Клиперс - Детроит.
Табела Источна конференција: Бостон 7-2 (победи-порази), Орландо 5-2, Атланта 6-3, Мајами 5-4, ...
Табела Западна конференција: Њу Орлеанс 7-0, Лос Анџелес Лејкерс 8-1, , Сан Антонио 6-1, Голден Стејт 6-3, Портланд 6-3, ...