Кошаркарите на Далас ја остварија почетната победа во финалето на „Западот“ од НБА плеј-офот, откако ноќеска во натпреварот број 1 пред своите навивачи го совладаа тимот на Оклахома Сити со 121:112.
Предводник во триумфот на Далас беше Германецот Дирк Новицки, кој постигна 48 поени со 100 % учинок од линијата за слободни фрлања 24/24 и со тоа го собори рекордот во НБА плеј-офот на Пол Пирс од Бостон, кој во 2003 година постигнал 21/21.
Кај поразените најефикасен беше Кевин Дјурант кој реализира 40 поени.
Натпреварот број 2 меѓу Далас и Оклахома Сити се игра в четврток, додека вечерва на програмата е вториот дуел од источното финале, Чикаго - Мајами (Чикаго води со 1-0 во победи).