Откако го оствари детскиот сон и во финалето на Вимболдон го совлада Рафаел Надал со 3-1 во сетови, Новак Џоковиќ истакна дека е тешко со зборови да го опише тоа што го чувствува.
- Ова е најдобриот ден во мојот живот. Тешко е да се опише ова што го чувствувам, освен со зборовите дека за овој триумф отсекогаш сонував. Некако мислам дека сè уште сум во сон. Вимболдон е првиот турнир кој го гледав, прв кој што посакував да го освојам, изјави Ноле по победата.
Во петокот, 1-ви јули 2011-та година, Новак Џоковиќ стана првиот тенисер од 19-ти јануари 2004-та година кој се искачи на врвот на АТП листата, а тоа да не се Роџер Федерер и Рафаел Надал.
Два дена покасно, на 3-ти јули 2011-та година, Новак Џоковиќ стана првиот шампион на Вимболдон од 7-ти јули 2002-та година, а пехарот да не биде во рацете на Роџер Федерер и Рафаел Надал.
Новак денеска на преполниот Central Court во Лондон дефинитивно стави крај на една ера во ATP тенисот, долга скоро цела деценија. Србинот стана 25-тиот прв тенисер во светот, а детскиот сон го реализираше со триумфот пред очите на целиот свет, против актуелниот шампион, па со тоа го впиша своето име на 71-то место на вечната листа на освојувачи на Вимболдон.
Новак Џоковиќ (2) – Рафаел Надал (1) 6:4, 6:1, 1:6, 6:3
Во два дена, Новак е најголемиот ривал на Шпанецот Надал, не само оваа година, туку и во кариерата. Џоковиќ за два дена му ги одзема и двата статусни симболи во светот на тенисот. Првото место на АТП листата и круната во Лондон.