Ватерполо репрезентацијата на Македонија убедливо е поразена од Грција во првиот натпревар од квалификациите за пласман на Олимписките игри во Лондон.
На турнирот кој се одржува во Едмонтот (Канада), македонските ватерполисти доцна синоќа во 1.коло од групата „А“ се поразени со 12:2 (по четвртини 1:0; 3:2; 3:0 и 5:0).
Матео Чук беше единствениот во нашата репрезентација кој успеа да се запише во листата на стрелците и тоа во вториот период, додека во останатите три четвртини Македонија не успеа да ја погоди мрежата на Грција.
Во рамките на 2.коло, доцна вечер (23 часот и 40 минути) Македонија за противник ќе ја има Холандија, која синоќа беше поразена од Црна Гора со 12:6.
Германија со 10:9 ја победи Романија во натпревар со кој беше заокружено 1.коло од групата „А“.