Македонската ватерполо репрезентација ја постигна првата победа на олимписките квалификации што се одржуваат во Едмонтон, Канада.
Во натпревар од 2-то коло од А групата Македонија ја победи Холандија со 9:6 (1:1;3:0;3:3;2:2) и се реваншира за поразот на Европското првенство. Решавачка за победата беше втората четвртина која Македонија ја доби со 3:0.
Головите за Македонија ги постигнаа: Срѓан Аксентијевиќ 3, Иван Басара 2, Матео Чук, Петар Ивошевиќ, Марко Мартиниќ и Мирослав Ранџиќ по 1.
На другите натпревари од А групата: Романија – Грција 10:9 и Црна Гора – Германија 11:7.
Во Б групата: Аргентина – Шпанија 6:14 и Канада – Бразил 12:9. Слободна беше репрезентацијата на Турција.
Табела А група: Црна Гора 4 бодови, Романија 2, Германија 2, Грција 2, Македонија 2, Холандија 0.
Табела Б група: Шпанија 4, Канада 2, Турција 1, Аргентина 1, Бразил 0.
Вечерва се играат натпреварите од 3.коло, а Македонија од 22:20 часот игра против Романија.
Во другите натпревари двојките се: Германија – Холандија, Црна Гора – Грција, Бразил – Аргентина и Турција – Канада.