Македонската ракометна репрезентација попладнево го загуби натпреварот против селекцијата на Шведска со 27:23, што практично значи губење на шансите за пласман на Олимписките игри во Лондон.
„Црвено-жолтите“ во рамки на предолимпискиот турнир во Гетеборг, вчера беа поразени и од репрезентацијата на Унгарија.
Најефикасен во македонскиот состав на денешниот натпревар беше Филип Миркуловски со 5 постигнати голови, додека на спротивната страна осум голови постигна Ким Андерсон.
Македонија со денешниот меч ги загуби шансите за пласман на ОИ, додека домаќинот Шведска и репрезентацијата на Унгарија имаат по две победи и обезбеден пласман на Олимпијадата. Утре против Бразил, избраниците на селекторот Ѕвонко Шундовски ќе се обидат да го завршат турнирот на третото место.