Српскиот тенисер, Новак Ѓоковиќ официјално денес го зазеде првото место на АТП листата, позиција кој тој најверојатно ќе ја задржи до крајот на годината.
Досегашниот број 1 на листата, Швајцарецот Рожер Федерер падна на втората позиција, а на третата остана Енди Мареј од Шкотска. Првите пет места на оваа листа ги заокружуваат Рафаел Надал и Давид Ферер од Шпанија.
Новак Ѓоковиќ беше број 1 на АТП листата се до 9-ти јули оваа година кога Федерер му го одзема првото место, на кое Србинот се искачи една година претходно, т.е. на 4-ти јули 2011 година.
Ѓоковиќ, Федерер, Мареј, Ферер од утре ги очекува АТП Мастерс турнирот во Лондон. Учеството во Лондон веќе го откажа Рафаел Надал.