Најуспешниот олимпиец во историјата, Мајкл Фелпс се враќа на пливањето завршувајќи ги месеците шпекулации околу неговата иднина. Американецот, кој на своите 28 години има 22 олимписки медали, од кои 18 златни, се очекува да го има своето повратничко деби на пливачки митинг во Аризона на 24 април.
Уште лани, неговиот долгогодишен тренер Боб Боуман оцени дека Фелпс е способен да освои нови злата на Олимпијадата во Рио во 2016, по што Фелпс почна со тренинзи и влезе во анти-допинг програмата на САД, која беше потребна да може да се натпреварува.