Миладин Козлина на крајот на сезоната го напушта македонскиот првак Вардар.
Ракометниот портал balkan-handball објави информација дека словенечкиот интернационалец во следните две години кариерата ќе ја продолжи во редовите на бундеслигашот Милден. Козлина го потврди тоа за „Македонски спорт“ на синоќешниот тренинг на Вардар.
„Има вистина во тоа, но сè е во фаза на преговори. Деталите дополнително ќе бидат познати“, кусо прокоментира Миладин Козлина.
Доколку трансферот се реализира тоа ќе значи дека левиот бек по три години поминати на македонски тло (претходно две години играше за Металург) решен е да смени средина.
Милден во моментов е пласиран на 13. место во Бундес-лигата, а го предводи Хрватот Горан Перковац, додека за тимот настапуваат Словенецот Ненад Билбија и црногорскиот ракометар Александар Свитлица.