Новак Ѓоковиќ вели дека нема да може да игра тенис „некое време“ откако го повреди зглобот на раката на Мастерсот во Монте Карло. Вториот носител од Србија загуби со 7:5/6:2 од Роџер Федерер во полуфиналето, но имаше очигледни проблеми со зглобот, кои го мачат повеќе од 10 дена.
„Добро е тоа што нема да морам да одам на операција. Немам скинати лигаменти или нешто слично. Ќе го послушам советот на лекарите. Сега ќе одморам бидејќи не можам да играм тенис некое време. Колку долго, не знам, ќе видиме“, вели Ѓоковиќ на шест недели пред стартот на Францускиот опен во Париз.