Тренерот на РК Металург, Лино Червар ги демантираше најавите кои беа објавени во дел од германските медиуми за наводно превземање на „кормилото“ на Хамбург.
Според германските медиуми, Хамбург е во потрага по наследникот на Мартин Швалб а како потенцијални имиња на листата од клубот се споменуваат Михаел Белгер, Кристијан Гаудин и Лино Червар.
Червар кој моментално е на летен одмор во родниот град во Хрватска, ги негираше сите шпекулации за трансфер во германскиот клуб.
-Немам договор со Германците. Сите знаат каде сум и каде ќе останам, кратко објасни Червар а пренесе Planet Handball.