Со одигрувањето на дуелот меѓу Хрватска и Франција синоќа во Охрид беше комплетирано второто коло во четирите групи од кадетското Светско првенство што се одржува во Македонија.
Вчера се играа натпревари во Ц и Д групите, а до втората победа дојдоа: Данска и Романија (Ц група), Хрватска, Португалија и Црна Гора (Д група).
Резултати Ц група: Узбекистан – Романија 22:42, Германија – Данска 24:28 и Македонија – Аргентина 22:24.
Табела: Данска 4 бодови, Романија 4, Германија 2, Аргентина 2, Македонија 0, Узбекистан 0.
Резултати Д група: Ангола – Црна Гора 17:22, Кина – Португалија 15:27 и Франција – Хрватска 16:23.
Табела: Португалија 4, Хрватска 4, Црна Гора 4, Ангола 0, Франција 0, Кина 0.
Денеска во сите четири групи се играат натпреварите од 3.коло, а двојките се: Шведска – Холандија, Кореја – Казахстан, Бразил – Тунис (А група), Русија – Конго, Норвешка – Јапонија, Унгарија – Парагвај (Б група), Данска – Аргентина, Македонија – Романија, Германија – Узбекистан (Ц група), Португалија – Франција, Црна Гора – Хрватска и Ангола – Кина (Д група).