Претставникот на Полска, Рафал Мајка после триумфот на 14. етапа успеа да дојде и до победа на етапата број 17 откако патеката во должина од 124,5 километри ја мина за време од 3 часа 35 минути и 23 секунди.
Тој имаше одлично распоредени сили и успеа да го направи она што посакува. Дојде до победа со предност од 29 секунди во однос на Италијанецот Висконти кој не можеше да издржи во финишот од етапата.
Винченцо Нибали уште еднаш возеше своја етапа. Уште еднаш реши да влезе во битка со најдобрите и на тој начин стигна до 3. место. Сепак, и ова му беше повеќе од доволно бидејќи велосипедистите кои се зад него во генералниот пласман го зголемија заостанувањето.
Валверде повторно немаше сили да го следи Нибали и сега има заостанување кое е поголемо од пет минути, а Пино кој е најдобар кај младите велосипедисти заостанува точно шест минути.