На Европското првенство во ватерполо што се одржува во Будимпешта, репрезентациите на Италија и на Србија обезбедија полуфинале откако вчеравечер беа поуспешни од своите противници во четвртфиналната фаза.
Во неизвесен меч Италија ја победи Хрватска со 8:7 (1:1, 3:2, 2:2 и 2:2). Италијанците во најголемиот дел од средбата водеа, а „коцкестите“ само неколку пати успеаја да изедначат.
Многу поизвесен беше победникот во второто 1/4финале. Србија ја победи Грција со 13:9 (3:2, 4:3, 4:2 и 2:2).
Полуфиналните натпревари се играат утре. Двојките се: Унгарија - Италија и Црна Гора - Србија.
Денеска на шампионатот се дуелите од полуфиналето во женска конкуренција: Унгарија - Шпанија (16:30 часот) и Италија - Холандија (18 часот).