Европското првенство во ракомет за играчи до 20 години (кое од денес до 3-ти август ќе се одржува во градовите Траун и Линц) вчера официјално со специјална церемонија беше прогласено за отворено во австрискиот град Траун.
Со маржоретки и улични изведувачи организаторите им посакаа добредојде на 16-те земји учеснички меѓу кои е и Македонија. Младите кадети на Македонија беа извлечени во групата А заедно со репрезентациите на Шпанија, Франција и Норвешка, а денес ќе го имаме и првиот тест против актуелниот шампион, Шпанија.
Шпанија, заедно со Данска, Германија и Шведска важат за главни фаворити на континенталниот собир, додека Франција, Словенија и организаторот Австрија се фаворити во сенка.
Групната фаза се игра во три кола, по принципот секој со секого, а по завршувањето на натпреварите двете првопласирани екипи од секоја група ќе се пласираат во следната фаза.
Повеќе информации за преносите од натпреварите на официјалната страница на самиот шампионат.
Но, додека го очекуваме дебито на Македонија на Еврошампионатот, погледнете дел од фотографиите од отворањето. Со среќа момци!
