Јуниорската машка репрезентација на Македонија конечно ја оствари првата победа на Европското првенство за ракометари до 20-години кое се одржува во Австрија.
Откако во групната фаза ги загубија сите натпревари (три), а вчера избраниците на Зоран Петковски беа поразени и од Естонија во натпревар од новоформираната група 3 во која разигруваат за пласман од 9 до 16 место на првенството, попладнево црвено-жолтите ја победија Швајцарија со 34:30 полувреме 14:13.
Триото Маџовски-Манасков-Талески искомбинира 20 од 34-те голови на црвено-жолтите.
Борјан Маџовски и Мартин Манасков постигнаа по 7, додека Филип Талевски беше стрелец на 6 голови за македонската репрезентација.
Во првиот натпревар од оваа група одигран денеска Норвешка ја совлада Естонија со 27:21.
И покрај победата нашата селекција остана на последното место во групата во која Норвешка е прва пред Швајцарија и Естонија.
Затоа нашите ракометари во петок (утре е слободен ден на шампионатот) ќе играав во дуел за пласман од 13 до 16 место.