Македонската ракометна селекција за играчи до 18 години денеска претрпе нов пораз на Европското првенство во Полска. Соодветната селекција на Чешка славеше победа со 27:21. Ова за избраниците на селекторот Александар Јовиќ е вкупно петти загубен натпревар и утре Македонија ќе игра со поразениот од дуелот Србија – Романија за 15.место на шампионатот односно за избегнување на последната позиција.
Денешниот дуел Македонија го играше без Марко Нелоски и Мартин Велковски, а Горан Крстевски, влегуваше во игра за да изведе седмерец.
Ослабениот состав на Македонија слабо го почна натпреварот и Чешка поведе со 4:0 и 6:1. На полувремето противникот водеше со 13:11.
Во вториот дел по двете исклучувања на Филип Талески и откако на него противниците играа „фластер“, чешките ракометари успеаја да стигнаа и до највисокото водство 25:19 (+6), разлика со која и заврши натпреварот – 27:21.
Талески со седум голови беше најефикасен во нашата репрезентација и на натпревароттрансфер.