Русинот кој ја освои титулата од АТП-финалето во 2009 година и помогна на Русија да стигне до Дејвис-куп трофејот во 2006 година вели дека повредите принудиле крај на 15-годишната кариера.
„Имав премногу повреди во последните неколку години, кои многу лошо ми влијаат. Времето дојде, и официјално се повлекувам“, изјави Давиденко на прес-конференција во Москва.
Русинот можеби никогаш не беше вистински шоумен на теренот, но беше во игра со големите имиња и славно го победи Роџер Федерер по 13 обиди во полуфиналето на АТП-финалето во Лондон пред пет години, пред да ја освои титулата по триумфот над Аргентинецот Хуан Мартин дел Потро.
Негова најдобра сезона на турнејата беше 2006 година, кога освои пет титули и стигна до полуфиналето на УС опен, по што беше 3. на АТП-листата. Тој, исто така, беше во полуфиналето во Њујорк во 2007, а имаше и полуфиналиња во Ролан Гарос во 2005 и 2007. Давиденко освои 21 АТП-титула во кариерата.