Металург го дочека и четвртиот пораз во Лигата на шампионите во мечот со европскиот шампион Кил.
Мошне силните момци на Кил буквално го решија Металург уште во првото полувреме кое заврши со резултат од 16:9, предност која беше најголема во првото полувреме. Второто полувреме го стартуваа со разлика од 10 гола, за на крај натпреварот да заврши со резултат од 42:27.
Најефикасен на мечот беше Ванчо Димовски со 6 погодоци, а веднаш зад него се најде Вугринец со 5 постигнати голови. Но, без двоумење вечерашниот натпревар докажа дека „зебрите“ се тим кој што ги казнуваат грешките на противниците.