Прва победа сезонава во Лигата на шампионите за македонскиот ракометен првак ЖРК Вардар, откако вечерва во СЦ „Јане Сандански“ избраничките на Индира Кастратовиќ беа поуспешни од германски Турингер со 26:21 (12:10).
Најзаслужна за победата на „црвено-црните“ беше голманот Ина Суслина со 29 одбрани. Во нападот се истакнаа Андреа Пенезиќ со осум погодоци и Андреа Лекиќ која пет пати ја тресеше мрежата на Турингер.
Франциска Мајцнер со шест голови беше најдобрата ракометарка во германскиот состав.
На првиот денешен дуел од 2.коло во Б групата, Подравка – Будуќност 27:32.
Табела: Будуќност 4 бодови, Турингер 2, Вардар 2, Подравка 0.