Довчерашната „вардарка“ Алисон Пино експресно најде нов ангажман по спогодбениот раскин на договорот со македонскиот првак. Пино потпиша двогодишен договор со европскиот шампион Ѓер.
Левиот бек доаѓа како вистинско решение на местото на Анита Горбиц, која ќе паузира до крајот на оваа сезона.
Пино во моментов се рехабилитира по операцијата на коленото, а нејзиното враќање на теренот се очекува за време на Европското првенство, додека првиот меч во дресот на Ѓер, најверојатно, ќе го одигра на почетокот на следната година.