Во пресрет на натпреварот од Лигата на шампионите меѓу ЖРК Вардар и Будуќност, в недела (19 часот), во СЦ „Јане Сандански“, црногорските медиуми негодуваат за скапите билети кои македонскиот шампион ги има за натпреварите од Лигата на шампионите. Тие ги информираат фановите на Будуќност, кои ќе патуваат во Скопје, како поддршка на „сините“ дека треба да издвојат 6, 8 или 16 евра доколку сакаат во живо да го следат натпреварот.
Според нив тоа се „превисоки“ цени за билети, но исто така се потенцира дека Вардар сезонава има и полни трибини во дуелите од ЛШ.
Инаку, од вчера на пладне, на билетарата на СЦ „Јане Сандански“, како и преку МКтикетс во продажба се пуштени билетите за неделниот меч, кој може да се купат по цена од 350 денари, 500 денари чинат ВИП билетите, додека 1.000 денари се ВИП премиум.