И натаму се менуваат како на филска лента настаните во Металург. Последните неофицијални информации велат дека единствено Дарко Ѓукиќ од странските ракометари ќе остане верен на Металург и ќе патува со екипата во Логроњо.
Сите други заминуваат, вклучително со Павел Атман, кој чека(ше) да среди уште некои формалности, па да ја напушти Македонија. И Борозан и Марсениќ веќе не се дел од Металург како што дознаваме, а во целата оваа приказна добива на зачин плус со можноста, односно шпекулацијата која вчера доби поголема „сила", а тоа е Лука Циндриќ да остане во Скопје, но не во редовите на Металург, туку во Вардар.