Фановите на Вардар своето незадоволство од делењето на правдата на судиите во саботниот дуел со Веспрем, од Лигата на шампионите, го искажаа со графити низ скопските улици. Тие го кренаа својот глас против Драган Начевски, кој ги делегира арбитрите, а револтот е повеќе од јасно изразен.
Сето ова се должи на делењето на правдата во саботата вечерта кога Вардар со 23:24 загуби од Веспрем, а меѓу неколкуте спорни ситуации е и онаа во последните минута и пол кога исланѓанската двојка Елијасон-Палсон го поништи голот на Стоилов и досуди пенал во ситуација во која мораше да биде дадена предност.