Македонските репрезентативци Наумче Мојсовски со 11 и Ренато Вугринец со 10 постигнати голови го предводеа македонскиот ракометен првак Металург до првата победа сезонава во Лигата на шампионите. Вечерва во СЦ „Борис Трајковски“ совладана беше шпанска Ла Риоха со 29:28.
Двете екипи во текот на целиот натпревар се менуваа во водството, за Шпанците да се најдат во добитна комбинација во финишот влегоа со предност 28:27. Сепак нашите ракометари не се предадоа. Најпрво Вано Димовски изедначи, а јунакот на мечот Наумче Мојсовски во последните моменти погоди за прва радост.
По оваа победа металурзи остануваат во игра за пласман во следната фаза.
На другите два натпревара од 6.коло во групата А играат Кил – ПСЖ (вечер 21 часот) и Загреб – Брест Мешков ( утре 17 часот).
Табела: Кил 8 бодови, ПСЖ 8, Ла Риоха 6, Брест Мешков 4, Загреб 4, Металург 2.