Енди Мареј не размислува да се раздели со тренерот Амели Морезмо, но место тоа реши да ја започне новата сезона без неговиот долгогодишен пријател и тренер Дани Валверду и фитнес-тренерот Џез Грин.
„Седнавме на крајот на сезоната и одлучивме дека е потребна промена за сите нас. Тренингот надвор од сезоната и подготовките за Австралискиот опен веќе започнаа и многу сум возбуден за новата сезона. Им благодарам на Џез и Дани за напорната работа“, напиша Мареј на својот веб-сајт.
Мареј и Валверду се сретнаа додека тренираа заедно во тениската академија во Шпанија и се познаваат од тинејџерските денови. Тој се приклучи на неговиот тим во 2010 како партнер за тренинг, по што имаше се поголема улога како советник. Валверду остана во тимот додека Мареј ги смени Алекс Коретча, Иван Лендл и Морезмо како тренер.
Се верува дека ангажирањето на Морезмо било целосно индивидуална одлука на Мареј без советување со другите членови на тренерскиот тим. Мареј имаше лоша сезона во која наместо да ја одбрани титулата на Вимблдон загуби во четвртфиналето.