Женската репрезентација на Македонија ги задржа теоретските шанси за пласман во баражот за Светското првенство 2015, откако вчера вечер Исланд на гостински терен во Киети ја совлада Италија со 26:17 (полувреме 13:8).
Островјанките ја оправдаа фаворитската улога, а сега им преостанува во реваншот в недела да ја потврдат доминацијата во овој двомеч.
Македонската репрезентација за да игра во баражот ќе треба да чека победа на Исланд на домашен терен со Италијанките, а потоа двапати да победи, прво на 3 декември во Исланд, а потоа на 6 декември во Скопје и тоа со голема гол-разлика што би било вистинско чудо ако се земат предвид моменталните квалитети на двете селекции.
Македонија ги загуби првите два натпревара од Италија, по што отказ доби селекторот Ристо Магдинчев. На двомечот со Исланд предводник на „црвено-жолтите“ ќе биде Благојче Весиќ, досегашен помошник на Магдинчев.