Медисон Киз успеа да ја елиминира една од сестрите Вилијамс на Австралискиот опен, и сега 19-годишната Американка ќе се обиде да ја елиминира уште едната.
Киз ја надмина повредата на десниот бутен мускул за да ја победи 18-рангираната Венус Вилијамс со 6:3/4:6/6:4 за пласман во полуфиналето против 18-кратната гренд-слем шампионка, Серена Вилијамс, која немаше мака против минатогодишната финалистка Доминика Цибулкова и победи со 6:2/6:2.
Киз спречи прв дуел на сестрите на гренд-слем турнир по повеќе од пет години, кога Серена ја победи Венус во финалето на Вимблдон 2009. Додека едното финале е сè-американско, второто е сè-руско и во него ќе играат светската тенисерка број 2, Марија Шарапова, и 10. носителка, Екатерина Макарова.
Самата Киз изјави дека тоа што ги гледала сестрите Вилијамс на ТВ ја натерало да почне со тенисот и призна дека е пресреќна од првото големо полуфинале.
„Навистина е неверојатно. Сега имам да уживам уште едно коло“, вели Киз, чиј тренер е трикратната гренд слем шампионка, Линдзи Девенпорт.
Серена имаше лесна победа и покрај тоа што страдаше од лоша настинка последните неколку денови, што се препознаваше и во нејзиниот глас.
„Болна сум неколку дена, и ситуацијата станува полоша, меѓутоа се надевам дека ќе бидам подготвена. Има вирус кај многу тенисери, и јас немав среќа и го фатив“, вели Серена.