Одлично отворање на катарското првенство во групата два имаа македонските репрезентативци Наумче Мојсовски и Ренато Вугринец, каде нивната Лахвија со 31:29 го совлада Ал Араби во Духаил арената.
Константна контрола над резултатот и случувањата на теренот имаше тимот предводен од македонскиот „тандем“, кој беше и најзаслужен за победата. Вугринец беше прв стрелец на мечот со 8 погодоци, додека Мојсовски запиша 4 гола.
Еден од најсериозните противници на Лахвија во трката по титулата, тимот на Зоран Кастратовиќ, Ал Џаиш, пак, во истата група со 29:22 го совлада Ал Кор.