Преселбата од Сибир на Флорида на седум години го смени животот на Марија Шарапова и ја постави на пат до тениска слава, меѓутоа таа вели дека никогаш не го свртела грбот на својата татковина.
Петкратната гренд слем шампионка, најдобро платена спортистка на светот, можеби изгледа како остварување на американскиот сон, но не планира да го напушти својот руски пасош за американски, како што направи поранешната Чехинка Мартина Навратилова на почетокот на кариерата.
„Веќе би го сменила државјанството ако го сакав тоа, но искрено тоа воопшто никогаш не било тема во моето семејство или во мојот тим. Се работи за семејни вредности, за богата култура. Не само земјата, туку и луѓето, менталитетот и тежината и тој пристап никогаш да не се предадеш“, вели 27-годишната Шарапова.