Олимпискиот шампион и светски рекордер Јусеин Болт ќе ја има првата трка во САД по пет години на митингот од Дијамантската лига во Њујорк на 13 јуни потврдија организаторите.
Јамајчанецот го постави својот прв светски рекорд на 100 метри на истиот митинг во 2008 година, кога истрча 9.72 метри, а единствен друг настап во САД му е предводењето на 4х100 метри штафетата на Пен Рилејс во 2010 година.
„Никој не го заборава својот прв светски рекорд и јас секогаш ќе се сеќавам на публиката во Њујорк таа вечер. Тие мораа да чекаат еден час при невреме за трката и мислам дека ниту еден гледач не излезе. Тие заслужија добра трка, и бев среќен што им ја дадов“, вели Болт.